Innspel i samband med Fortescue si etablering på Holmaneset i Svelgen
Hub for Ocean (HfO) er ein medlemsorganisasjon med over 60 medlemmer med kontorstad i Florø i hjarte av eit levande og pulserande økosystem på Vestlandet, der visjonære leiarar, kompetente fagfolk og ambisiøse entreprenørar samlast for å utforske og realisere moglegheiter i den «blå næringa». Hub for Ocean driftar og den nasjonale klynga Arena PRO Ocean Hyway Cluster, som arbeidar for å realisere hydrogenbaserte løysingar i maritim næring på vegne av vel 70 medlemsaktørar. Til saman sit vi på eit økosystem på over 130 medlemmer som alle satsar på vidare utvikling og innovasjon av den blå næringa.
Vi er kjenneteikna av eit sterkt kompetansemiljø på havnæringar og hydrogenrelaterte problemstillingar med ein innarbeidd filosofi om at kompetansedeling er eit av vår regions store konkurransefortrinn. Vi er ein koblingssentral for kunnskap og kompetanse, der idéar møter handling og dristige visjonar blir realisert. HfO har over ti års erfaring med etablering og utvikling av verdikjeder for å skape ringverknader og nye etableringar i eksisterande industri.
Norge og Vestland har sett ambisiøse mål for den grøne omstillinga, og har overordna strategiar for korleis vi skal klare dette. Dette må gjerast blant anna gjennom å utvikle ny teknologi og kunnskap, skape sirkulære prosessar og felles symbiosar på tvers av næringar og geografi. Vestland fylkeskommune sin strategi – «Berekraftig verdiskaping – regionalplan for innovasjon og næringsutvikling 2021-2033» peikar på to store utfordringar for fylket knytt til berekraftig verdiskaping.
Det første er å få fart på den store omstillinga som skal gjere Vestland mindre oljeavhengige, og den andre er å sikre verdiskaping, arbeidskraft og arbeidsplassar i heile fylket. Planen har ambisiøse mål og 4 tydelege hovudsatsingar:
Grøn næringsutvikling – eit næringsliv i Vestland med netto nullutslepp i 2030
Innovative og inkluderande samfunn – verdiskaping og nye grøne arbeidsplassar i heile fylket
Areal til næringsutvikling – rett areal til rett føremål til rett tid
Kompetanseutvikling i arbeidslivet – fleire arbeidstakarar med rett kompetanse
Fortescue si satsing på Holmaneset i Svelgen er eit viktig bidrag i den prioriterte utviklinga av grøn industri i både i Norge og Europa. Den norske regjeringens hydrogenstrategi (2020) legg vekt på både den nasjonale og internasjonale betydning av den typen produksjon som er planlagt på Holmaneset.
Produksjon av grønt hydrogen vil bidra til eit lavutsleppssamfunn, og det er også eit skritt i riktig retning for å redusere globale klimagassutslepp. Gjennom Holmaneset-prosjektet er det gjennom eit samarbeid med Bremanger kommune og Hub for Ocean lagt eit godt grunnlag for å utvikle ei ny lokal, regional og nasjonal verdikjede for grøn industri som bidreg til auka sysselsetting, nye forretnings- og opplæringsmoglegheiter i ein lokal og regional målestokk.
Fleire av Fortescue sin framtidige planlagde aktivitetar støttar opp under både Vestland fylke og Hub for Ocean sine hovudsatsingar:
Grønn energiopplæring: Tilby opplæring om grønn energi i tråd med skolens undervisningsplan for realfag, og skape interesse for karrieremuligheter innan grøne energisatsingar.
Utvikling av kompetanse innan grøn energi: Samarbeid med utdannings- og opplæringsinstitusjonar for å utvikle dei nødvendige ferdighetene som kan bidra til nye grøne energiprosjekt.
Forsking og utvikling: Samarbeide med universitet og andre utviklingsaktørar for å utvikle løysingar i ein sirkulær økonomi – korleis nytte biprodukta varmt vatn og oksygen frå hydrogenproduksjonen for å stimulere ny forretningsmessig utvikling
Og ikkje minst; - levering av varer og tenester i eit samarbeide med lokale og regionale næringslivsaktørar og utviklingsmiljø gjennom ei kartlegging av varer og tenester som støtter prosjektet, med spesielt fokus på å støtte små og mellomstore bedrifter.
Holmaneset er eit stort prosjekt og i internasjonal målestokk som med si lokalisering i Svelgen vil skape; lokale arbeidsplassar, regionale ringverknader for lokal og regional leverandørindustri. Og i eit samarbeid mellom Bremanger kommune og Hub for Ocean legg ein grunnlaget for ny næringsutvikling basert på biprodukt frå hydrogenproduksjonen.
For Hub for Ocean handlar ikkje dette prosjektet berre om produksjon av grøn hydrogen og ammoniakk, men det vil vere ei svært viktig brikke i den verdikjeda vi arbeider for å få realisert for å nå både nasjonale og internasjonale klimamål med spesielt fokus på avkarbonisering av den maritime industrien. Satsinga på Holmaneset-prosjektet er og eit viktig bidrag til skisserte behov som er uttalt i EU sin strategi der planen er å produsere 10 millionar tonn og importere ytterlegare ti millionar tonn innan 2030 for å avkarbonisere sektorar der batteri og andre løysingar ikkje er eit reelle alternativ.
Mange nye verksemder etterspør norsk kraft til etablering av ny industri, og det er vel lite tvil om at den kraften som er tilgjengeleg i fremtida vil bli nytta i den større NO3-kraftregionen. Fortescue gir oss moglegheit til at krafta blir nytta i vår del av regionen rundt Bremanger for å styrke styrke det regionale næringslivet sin vidare utvikling. Holmaneset vil styrke regionen som eit industrielt fokusområde for vidare nasjonale prioriteringar.
Hub for Ocean, gjennom klyngesatsinga på hydrogenbaserte løysingar i Ocean Hyway Cluster, har sett denne regionen på kartet både nasjonalt og internasjonalt. Ei lokalisering og etablering av Fortescue sine planar på Holmaneset forsterkar vår regionale posisjon som utviklings- og realiseringsarena for nye karbonnøytrale løysingar innan både maritim næring og andre næringar.
