Westcon signerer ny kontrakt med Subsea7
Westcon Yards avd. Subsea i Florø kan glede seg stort over nylig inngått kontrakt med Subsea7.
Westcon Subsea trakk det lengste strået i konkurranse med fleire tilbydarar for kontrakta med Subsea7. Kontrakta går ut på fabrikasjon og testing av ulike subsea-strukturer til Skarv-feltet som ligg i den nordlege delen av Norskehavet.
Artikkelen fortsett under bildet.
Ole Anders Smørdal, plassjef Westcon Subsea Florø, ser lyst på framtida. Foto. Westcon.
Subsea7 er ein globalt leiiande leverandør av offshoreprosjekt og tenester til energiindustrien. At Westcon Yards avd. Subsea blei den foretrukne leverandøren til eit av Subsea7 sine prosjekt ved Skarv-feltet, er svært gledelig for heile selskapet. Kontrakta er av betydelig størrelse, med ei ramme på ca. hundre millionar kroner, og er per dags dato avdelinga si største enkeltkontrakt målt i kroner og øre.
Det er eit godt stykke arbeid som skal utførast, arbeidet vil innebære eit sveisekvalifiseringsprogram, fabrikasjon av strukturar, installasjon og sveising av høylegerte materialer og ventilar, samt overflatebehandling og testing. Arbeidet skal utførast på verftet i Florø.
Som ein del av kontrakta skal Westcon Subsea konstruere ein PLET struktur (Pipeline End Termination). Illustrasjon: Westcon.
Det er sjølvsagt ei tillitserklæring å få ei kontrakt av denne størrelsen av Subsea7, men det er noko Westcon Yards og avd. Subsea har jobba kontinuerlig mot. Ole Anders Smørdal, Plassjef Subsea Florø, utdjupar:
Vi har gjennom mange år opparbeida god kompetanse og erfaring på fabrikasjon av slike typar strukturar. Vi opplev også å ha eit godt renommé i marknaden på leveringsdyktighet og kvalitet.
-Ole Anders Smørdal
I løpet av dei siste åra har avdelinga sett ei jamn vekst i antall henvendelser, i tillegg til at kontraktane også aukar i omfang og kompleksitet. Westcon Subsea utvider altså kundebasen, og treng stadig fleire dyktige medarbeidarar med på laget framover. Framtida ser lys ut for Westcon!
